مقهى السياسي

- سلام لولاد
- صحة "ريبيتي" ...
- حمة ... يا حمة !
- خويا "ريبيتي" !
- وينهم لولاد ؟
- مازال ما جاء حد ... نسربيك حاجة ؟
- كيف العادة و قل لصطوفة يوزن التاي مليح !
- حاضر خويا "ريبيتي" ... يا صطوفة واحد تاي أشطار موزون مليح و بزايد صفر فاصل و قل لسكوبي يحضر شيشة علمانية دوبل بو و معاها زوز جبابد واحد ماسوني و واحد شيوعي !
- أهلا بالريبيتي !
- خويا ماركس ! أقعد شيشتنا هاي جاية ! يا حمة زيدها "سوس طماط" اللي يشربها ماركس !
- يازيتش من البلادة الماسونية متاعك تو :) أشرب أنتي التاي بالصفر فاصل متاعك اللي يقصر العمر !
- السلام عليكم و رحمة الله و بركاته ...
- تي برة ... :)
- ماني عارف حتى أنا زوز كفار كيفكم لا يجوز عليكما السلام و لا تهبط عليكما لا رحمة و لا بركة !
- هيا أقعد بربي وانتي ماشي و تولي مربط أكثر من أبو جهل في فيلم الرسالة ... هذاك خوك ريبيتي رد عليك السلام :) 
- سيدنا الشيخ ؟ يا مرحبا ... يا مرحبا !
- و عليك السلام حمة ! بربي من فضلك كاس ماء زهر بالسكر !
- توت د سويت مولانا ! لولاد باش تهبطو حاجة أخرى ؟
- إيه ! جيبلنا شكبة أنا و ماركس و هات سبحة لمولاكم :) %
1881


27/02/2012
0 Poster un commentaire

A découvrir aussi


Inscrivez-vous au blog

Soyez prévenu par email des prochaines mises à jour

Rejoignez les 4 autres membres

 
Paperblog : Les meilleures actualités issues des blogs