مقهى السياسي 2

- سلام لولاد ...
- سلام ريبيتي ...
- أه ! ماركس ؟ كيف السبة في القهوة على بكري ؟
- صبح الساعة ... راهو الصباح لله و زيد باهي للروح الثورية !
- باهي ... صباح الفل يا سيدي أنتي والروح ... شنوة ديجى ؟ :)
- يا ولا وحلة معاك يا الريبيتي ... نيتك مقعمزة عالصباح !
- الله غالب يا ماركس يا خويا ! أنا إنسان "بيئة" نسكن في حومة الفجر يذن فيها منا و كلاب الحومة السايبة تقوم تربرب منا !
- ...
- تي حتى من الكرهبة متاع الشايب كي تبدا ناقصة باتري الصباح تدورها راب و سكاي ! :)
- باهي ! باهي ! أنتي واللي كيفك زايد نطبقوا معاكم نظريات ماركس. أنتم لازمكم نيتشه !
- مشت معاك ! أما هذا سي نيتشه الجديد متاعك قلو الخلاص بالحاضر ! هاك شفت آخرة سي ماركس متاعك بعد الكبوت متاع الحرب الباردة !
- لا تهنى هكاكة نيتشه هذا ألماني* :) عمرك سمعت بحاجة ألمانية ماهيش لوكس ؟
- لا فما ! التبرطيم متاعهم ما جا شي !
- شنوة ؟
- "الشبخاخن" متاعهم ! اللغة يعني ! :)
- والله هذي عندك فيها الحق يا ريبيتي !
- تيان ! هاو مولانا جا ! حتى هو على بكري ليوم !
- السلام عليكم و رحمة الله و بركاته !
- و عليكم المطرقة والمنجل متاع ماركس يا مولانا !
- لطف ربي منك يا ريبيتي يا أخي ! تي رد مرة بتحية الإسلام ولا تورنت ؟
- لا ما تورنتش أما هاني تو كنت نحكي لماركس ... أنا إنسان بيئة :)
- وأنتي يا سي ماركس بلعت لسانك ؟ تو كنت نسمع فيك تعطي في سي الريبيتي الحق ؟ فاش عندو الحق هل عايق هذا ؟
- قالك الألمان كل شي باهي فيهم كان لغتهم !
- ماهو هاكي حكمة ربي سبحانه ! و كان جاو كيفكم فالحين كان في الكلام الزايد راهم ما صنعوش المرسيدس !
 
*: على فكرة، هو حتى ماركس الماني ... أما للضرورة النثرية هاني لصقتها في "بهامة" خونا الشيوعي :)
1881


29/02/2012
0 Poster un commentaire

A découvrir aussi


Inscrivez-vous au blog

Soyez prévenu par email des prochaines mises à jour

Rejoignez les 4 autres membres

 
Paperblog : Les meilleures actualités issues des blogs